राजकीय वर्तुळातून सर्वात मोठी बातमी समोर आली आहे. उद्या संध्याकाळी 5 वाजता सुनेत्रा अजित पवार ह्या उपमुख्यमंत्रिपदाची शपथ घेणार आहे. आज सकाळपासूनच राजकीय घडामोडींना वेग आला होता. मुख्यमंत्री देवेंद्र फडणवीस यांच्या वर्षा निवासस्थानी राष्ट्रवादीच्या काही प्रमुख नेत्यांची फडणवीस यांच्यासोबत बैठक पार पडली. यामध्ये सुनेत्रा पवार यांच्या नावावर एक मत झाल्याचे सांगितले जात आहे. उद्या सकाळी 11 वाजता राष्ट्रवादीच्या सर्व आमदारांची मुंबईमध्ये बैठक पार पडणार आहे. त्यानंतर सुनेत्रा पवार या उपमुख्यमंत्रिपदाची शपथ घेणार आहेत. अजित पवार यांचे राजकीय सल्लागार नरेश अरोरा यांनी या संदर्भात सुनेत्रा पवार यांच्यासोबत चर्चा केली असून सुनेत्रा पवार यांनी उपमुख्यमंत्रिपदासाठी होकार दिल्याचे सांगितले जात आहे. त्या आता उद्या संध्याकाळी शपथ घेणार असून महाराष्ट्राला पहिल्या महिला उपमुख्यमंत्री मिळणार आहे. या शपथविधीसाठी मुंबईला रवाना झाल्या आहेत.