Siddhi Hande
गुढीपाडव्याला गोडाचे पदार्थ बनवले जातात. तुम्ही घरीच सोपी आणि झटपट होणारी तांदळाची खीर बनवू शकतात.
आंबेमोहोर किंवा इंद्रायणी तांदूळ, दूध, साखर किंवा गूळ, तूप, सुका मेवा, वेलची पूड, ओलं खोबरं
सर्वात आधी तुम्हाला आंबेमोहोर किंवा इंद्रायणी तांदूळ धुवून भिजवायचे आहेत. त्यानंतर हे तांदूळ हलकेसे वाटून घ्या.
तांदूळ पूर्णपणे बारीक करु नका. तुम्ही या तांदळाची भरड काढून ठेवा.
एका बाजूला पातेल्यात दूध उकळायला ठेवा.
यानंतर उकळलेल्या दुधात तांदळाची भरड टाका. हे तांदूळ सतत हलवत राहा जेणेकरुन हे गोळा होणार नाही.
यानंतर तांदूळ शिजल्यावर त्यात साखर किंवा गूळ टाका. साखर चांगली विरघळू द्या.
यामध्ये सुकामेवा, केशर, वेलची पूड टाका. यात तुम्ही ओलं खोबरेदेखील टाकू शकतात.
यानंतर खीर मंद आचेवर शिजवून घ्या. खीर जेव्हा दाटसर होईल तोपर्यंत उकळून घ्या.