राष्ट्रवादी काँग्रेस अजित पवार गटाच्या राष्ट्रीय अध्यक्षा तथा उपमुख्यमंत्री सुनेत्रा पवार यांच्या नेतृत्वाची पहिली मोठी कसोटी आता विधानपरिषद निवडणुकीच्या निमित्ताने लागणार आहे. येत्या 12 मे रोजी होणाऱ्या या निवडणुकीत उमेदवारांची निवड करताना पक्षांतर्गत समीकरणं आणि निष्ठा हा महत्त्वाचा मुद्दा ठरण्याची शक्यता वर्तवली जात आहे.

पक्षात अलीकडील राजकीय घडामोडींनंतर अनेक नेत्यांनी वेगवेगळ्या बाजूंनी भूमिका घेतल्या आहेत. अशा परिस्थितीत अजित पवार यांच्या गटाशी निष्ठा ठेवणाऱ्या नेत्यांना संधी दिली जाऊ शकते, अशी चर्चा राजकीय वर्तुळात रंगली आहे. विधानपरिषद निवडणुकीसाठी उमेदवारी कोणाला मिळणार, याकडे पक्षातील इच्छुकांसह संपूर्ण राज्याचं लक्ष लागलं आहे.