विद्यार्थ्यांसाठी एक अत्यंत महत्त्वाची आणि मोठी बातमी समोर आली आहे. विद्यार्थ्यांवरचा वाढता ताण (Student Stress) कमी करण्यासाठी राज्य सरकारने एक मोठं आणि महत्त्वाचं पाऊल उचललं आहे. सर्वोच्च न्यायालयाच्या (Supreme Court) आदेशानुसार आता प्रत्येक शाळेत मानसोपचार तज्ज्ञांची (Psychiatrists) नियुक्ती केली जाणार आहे. सध्याच्या स्पर्धात्मक युगात विद्यार्थ्यांवरील अभ्यासाचा आणि इतर गोष्टींचा ताण वाढत चालला आहे, या पार्श्वभूमीवर हा निर्णय घेण्यात आला आहे. या निर्णयाची अंमलबजावणी झाल्यास विद्यार्थ्यांच्या मानसिक आरोग्याला प्राधान्य मिळेल आणि त्यांना वेळीच योग्य मार्गदर्शन उपलब्ध होईल. शाळांमध्ये समुपदेशक किंवा मानसोपचार तज्ज्ञ उपलब्ध झाल्यामुळे विद्यार्थ्यांच्या समस्यांचे निराकरण करणे सोपे होणार आहे. पालकांसाठीही ही एक दिलासादायक बाब ठरू शकते.