गाईवर बोलण्यापेक्षा महागाईवर बोला असे आव्हान उद्धव ठाकरे यांनी पंतप्रधान नरेंद्र मोदी यांना दिले आहे. सावरकरांनी गाईवर काय लिहून ठेवले आहे याची आठवण उद्धव ठाकरे यांनी करून दिली. ठाण्यात राजन विचारे यांच्या प्रचारार्थ उद्धव ठाकरे यांनी सभा घेतली. तेव्हा ठाकरे म्हणाले की रोड शो करण्यासाठी मोदींनी मेट्रो बंद ठेवली, तुम्ही लोकांची कदर करत नाही, फक्त रामाचा धावा करताय असेही उद्धव ठाकरे म्हणाले. शिवसेना काँग्रेसमध्ये विलीन होणार नाही तर चार जूनला भाजपच फुटणार असा दावा उद्धव ठाकरे यांनी केला आहे.