मुंबई : दक्षिण मुंबई लोकसभा मतदार संघाचा पेच अधिक वाढलाय. दक्षिण मुंबईत महायुतीकडून नेमकी कुणाला संधी मिळते, हे पाहणं लोकसभा निवडणुकीच्या अनुशंगाने महत्त्वाचं आहे. अशाच या लोकसभा मतदार संघाचा सस्पेन्स अजूनही कायम आहे. दक्षिण मुंबई लोकसभा मतदार संघाचा ट्विस्ट आणखी वाढलाय. शिवसेनेकडून यामिनी जाधव यांचे नाव निश्चित मानले जात असताना भाजपच्या इच्छुक उमेदवारांचा प्रचार अजूनही सुरू असल्याचं बघायला मिळतंय. विधानसभा अध्यक्ष राहुल नार्वेकर आणि मंगल प्रभात लोढा यांच्याही भेटीगाठी सुरूच असल्याची माहिती समोर आलीय. विधानसभा अध्यक्ष राहुल नार्वेकर यांनी मनसे नेते बाळा नांदगावकर यांच्यासोबत शिवडी येथे मंडळांना भेटीगाठी घेतल्यात. त्यामुळे दक्षिण मुंबई लोकसभा मतदार संघाची जागा नेमकी लढवणार कोण? यावरुन चर्चांना उधाण आलंय.