परभणी जिल्ह्यातील तरुण सोमनाथ सूर्यवंशीच्या संशयास्पद मृत्यूप्रकरणी आता महत्वाची माहिती समोर आली आहे . मुंबई हायकोर्टाच्या औरंगाबाद खंडपीठाने या प्रकरणात पोलिसांवर गुन्हे दाखल करण्याचे आदेश दिले आहेत.

ही याचिका वंचित बहुजन आघाडीचे प्रमुख अ‍ॅड. प्रकाश आंबेडकर यांनी स्वतः सोमनाथच्या आईच्या वतीने दाखल केली होती. विशेष म्हणजे, अ‍ॅड. आंबेडकर यांनी स्वतः या प्रकरणात न्यायालयात सखोल बाजू मांडत न्याय मागणी केली होती.

सोमनाथ सूर्यवंशीच्या मृत्यूबाबत अनेक प्रश्न उपस्थित होत होते. त्यांच्या मृत्यूमागे पोलिसांचा हात असल्याचा संशय व्यक्त करण्यात येत होता. या पार्श्वभूमीवर न्यायालयात दाखल झालेली याचिका आता निर्णायक ठरली आहे.