सोलापूर जिल्ह्यातील सीना नदीचा महापूर सध्या ओसरला असला तरी परिस्थिती पूर्णपणे सुरळीत झालेली नाही. शेतात सर्वत्र चिखल आणि दलदल झाल्याने शेतकऱ्यांना शेतीत काम करणे कठीण झाले आहे. पूर ओसरल्यानंतर घरात साचलेले पाणी कमी झाले असले तरी गावकरी घरातील सामान स्वच्छ करण्यात व्यस्त झालेले आहेत.

दरम्यान, पावसाने पुन्हा सुरूवात केल्याने नदीकाठच्या शेतकरी व ग्रामस्थांमध्ये भीतीचे वातावरण आहे. नुकसानीतून सावरायच्या आधीच पुन्हा पावसाची धमक वाढल्याने ग्रामस्थ हवालदिल झाले आहेत. प्रशासनाने परिस्थितीवर बारकाईने लक्ष ठेवले असून नागरिकांना सतर्क राहण्याचे आवाहन केले जात आहे.