नाशिक भाजप कार्यालयाबाहेर सध्या हायव्होलटेज ड्रामा सुरू आहे. त्याचे कारण म्हणजे ठाकरे गटाचे माजी महापौर विनायक पांडे, मनसेचे यतीन वाघ आणि कॉँग्रेसचे शाहू खैरे हे आज भाजपमध्ये प्रवेश करत आहे.

मात्र या पक्षप्रवेशाला नाशिक मध्यच्या भाजप आमदार देवयांनी फरांदे यांनी कडाडून विरोध केला आहे. फरांदे यांनी त्यांच्या सोशल मीडियावर पोस्ट लिहून आज होत असलेल्या पक्षप्रवेशाला जोरदार निषेध दर्शवला आहे.

प्रभाग क्रमांक 13 मध्ये होणाऱ्या आजच्या प्रवेशाला माझा स्पष्ट विरोध आहे. तसेच प्रस्थापितांच्या विरोधात ठामपणे लढा देणाऱ्या हिंदुत्ववादी पक्षाच्या कार्यकर्त्यांच्या मी खंबीरपणे पाठीशी आहे. सदर विषयाबाबत निवडणूक प्रमुख म्हणून् मला कोणतीही विचारणा करण्यात आलेली नाही. जय श्री राम अशी पोस्ट आमदार देवयानी फरांदे यांनी केली आहे.