सोलापूर: स्थानिक स्वराज्य संस्था विधान परिषदेच्या निवडणुकीचा निकाल लागला आणि या निवडणुकीत भारतीय जनता पक्षाचे राजेंद्र राऊत यांचा विजय झाला, तर राष्ट्रवादी शरद पवार पक्षाचे वसंत देशमुख यांचा पराभव झाला. पालकमंत्री जय कुमार गोरे यांच्याकडून ही निवडणूक बिनविरोध करण्याचा प्रयत्न करण्यात आला होता. मात्र वसंत देशमुख यांनी खा.धैर्यशील मोहिते पाटील यांच्या मार्गदर्शनाखाली राष्ट्रवादी शरद पवार पक्षाकडून निवडणूक लढवली होती. महायुती आणि महाविकास आघाडी या लढतीत महायुतीचे उमेदवार राजेंद्र राऊत यांचा विजय झाला आहे. महाविकास आघाडीचे वसंत देशमुख यांना फक्त 118 मतं पडली आहेत. महायुतीच्या विजयानंतर पालकमंत्री जय कुमार गोरे यांनी मोहिते पाटील यांचे नाव न घेता, अप्रत्यक्षपणे टीका केली आहे. सोलापुरात गॉगलचे राजकारण संपले आहे.