सोलापूर : येरमाळा येथील येडेश्वरी यात्रेमुळे आज परिसरात प्रचंड वाहतूक कोंडी निर्माण झाली आहे. यात्रेतील पालखी सोहळ्याचा मुख्य दिवस असल्याने भाविकांची मोठी गर्दी झाली असून सोलापूर-धुळे महामार्गावर दोन्ही बाजूंना तब्बल 10 ते 15 किलोमीटरपर्यंत वाहनांच्या लांबच लांब रांगा लागल्या आहेत.

सुमारे 15 लाख भाविक येरमाळ्यात दाखल झाल्यामुळे वाहतूक व्यवस्था पूर्णपणे कोलमडली आहे. विशेषतः जड वाहनांना प्रवेश दिल्याने महामार्गावर ट्रॅफिक जाम अधिकच वाढला असून प्रवाशांना मोठा त्रास सहन करावा लागत आहे.

या वाहतूक कोंडीत सर्वसामान्यांसोबतच लोकप्रतिनिधींनाही अडकावे लागले आहे. भाजप आमदार राणाजगजितसिंह पाटील हे देखील गेल्या अडीच तासांपासून ट्रॅफिकमध्ये अडकून पडले आहेत.