Solapur, Pandharpur News : पंढरपूर येथील चंद्रभागेच्या पाण्यात अक्षरशः अळ्या आणि किडे झाले आहेत. अशा अशुद्ध आणि घाण पाण्यात भाविकांना स्नान करण्याची वेळ आली आहे. चंद्रभागेच्या पाण्यात अळ्या झाल्याने चंद्रभागा स्वच्छतेचा कारभार प्रश्न पुन्हा एकदा ऐरणीवर आला आहे.

येत्या आठ फेब्रुवारी रोजी माघी यात्रेचा सोहळा साजरा होत आहे. या सोहळ्यासाठी लाखो भाविक पंढरपुरात दाखल होऊ लागले आहेत. विठ्ठलाच्या वारीच्या निमित्ताने भाविक चंद्रभागा स्नानासाठी गर्दी करू लागले आहेत. दरम्यान चंद्रभागेच्या पाण्यात अळ्या आणि किडे झाल्याचा धक्कादायक प्रकार समोर आला आहे. अशा घाण पाण्यातच भाविकांना पवित्र स्नान करण्याची वेळ आली आहे. चंद्रभागेच्या पात्रात पाणी सोडण्याची मागणी केली जात आहे.