भोंदू अशेक खरातची पत्नी कल्पना खरातचा शोध घेण्यासाठी पोलिसांनी आता तपासाचा वेग वाढवला आहे. शिर्डी पोलिस ठाण्यात फसवणुकीचा गुन्हा दाखल झाल्यापासून अशोक खरातची पत्नी कल्पना खरात नाशिकच्या घरातून फरार झाली झाली आहे. १० दिवस होऊनही तपास यंत्रणेला तिला शोधण्यात अपयश आले आहे. त्यामुळे पोलिसांनी तपासाची चक्र वेगानं फिरवायला सुरुवात केली आहेत. कल्पना खरातच्या माहेरी तसंच माहेरच्या नातेवाइकांकडे चौकशी केल्याची माहिती सूत्रांनी दिलीय. कल्पना खरातच्या नाशिकमधील काही मैत्रिणी तसंच तिच्या घरी सध्या काम करणाऱ्या आणि यापूर्वी काम केलेल्या काही नोकरांकडेही कल्पनाची चौकशी करण्यात आली आहे. मात्र अद्याप ठोस धागेदोरे न मिळाल्याने पोलिसांसमोर मोठं आव्हान उभं राहिलं आहे.