सिंधुदुर्गमधील शिरोडा वेळागर समुद्रात बुडालेल्या सातही पर्यटकांचे मृतदेह सापडले आहेत. पाच मृतदेह हाती लागल्यानंतर शनिवारपासून दोघांचा शोध सुरू होता. आता काही वेळापूर्वी सहावा मृतदेह वेंगुर्ला येथील कालावी बंदर येथे सापडून आला. बेळगावमध्ये राहणारे इरफान मोहम्मद इसाक लोंढा यांचा कालवीबंदर येथे मृतदेह सापडला. तर कुडाळमधील जाकीर निसार मणियार यांचा सातवा मृतदेह वेंगुर्ले समुद्रात सापडला.

बेळगाव आणि कुडाळ येथील ९ पर्यटक शिरोडा वेळागर समुद्रात ३ ऑक्टोबरला फिरण्यासाठी आले होते. समुद्रामध्ये पोहत असताना हे पर्यटक बुडाले होते. त्यातील दोघांना वाचविण्यात यश आले होते. तर तिघांचे मृतदेह मच्छीमारांनी बाहेर काढले होते. तर यातील चार पर्यटकांचा शोध सुरू होता. या सातही पर्यटकांचे मृतदेह आता हाती लागल्यानंतर आता शोधकार्य थांबविण्यात आले आहे.