कल्याण पूर्वमध्ये श्रीकांत शिंदे हे सुलभा गायकवाड यांच्या प्रचाराला गेल्याने सर्वांच्या भुवया उंचावल्या आहेत. सुलभा गायकवाड या महायुतीच्या उमेदवार असून त्यांना भाजपकडून तिकीट देण्यात आलं आहे. 'पक्षाचा आदेश आहे, महायुतीच्या उमेदवाराला विजयी करायचं आहे. आवडत असेल किंवा नसेल तरी महायुतीचा धर्म पळून उमेदवाराला विजयी करा', असं यावेळी श्रीकांत शिंदे यांनी म्हंटलं आहे.

शिवसेनेचे महेश गायकवाड यांच्यावर गणपत गायकवाड यांनी काही दिवसांपूर्वी गोळीबार केला होता. या घटनेनंतर गणपत गायकवाड यांना अटक झाली. मात्र कल्याणमध्य शिवसेना आणि भाजपचे संबध हे ताणले गेले होते. विधानसभा निवडणूकीत गणपत गायकवाड यांच्या पत्नी सुलभा गायकवाड यांना भाजपकडून उमेदवारी जाहिर झाल्यानंतर महेश गायकवाड आणि इतर शिवसैनिकांनी सुलभा गायकवाड यांचा प्रचार न करण्याचा पवित्रा घेतला होता. दरम्यान त्याच सुलभा गायकवाड यांच्या प्रचारासाठी खासदार श्रीकांत शिंदे गेल्याने अनेकांच्या भूवया उंचावल्या आहेत.

Edited By Rakhi Rajput