पुण्यामधील सासवड शहरात गोळीबार झाल्याची घटना घडली आहे. तीन अज्ञात व्यक्तींकडून दिवसाढवळ्या गोळीबार करण्यात आला आहे. आईस्क्रीम व्यावसायिक असलेले राहुल नामदेव टिळेकर नावाच्या व्यक्तीवर गोळीबार करण्यात आला असून, राहुल टिळेकर हे गंभीर जखमी झाले आहेत. त्यांच्यावर पुण्यातील खाजगी रुग्णालयात उपचार सुरु आहेत. राहुल टिळेकर यांच्या पोटात गोळ्या मारण्यात आल्याची माहिती समोर येत आहे. सदर घटना सासवड एसटी स्टँड समोर घडली आहे.