भारतीय चित्रपटसृष्टीतील सर्वात ऐतिहासिक आणि लोकप्रिय चित्रपटांपैकी एक असलेल्या ‘शोले’ चित्रपटाचा अनकट व्हर्जन आता प्रेक्षकांसमोर येणार आहे. विशेष म्हणजे, या मूळ अनकट व्हर्जनध्ये गब्बर अखेर मरणार आहे. तो देखिल ठाकूरच्या हातातून. या गाजलेल्या चित्रपटाला यंदा ५० वर्ष पूर्ण होत असून, सुवर्ण महोत्सवी वर्षानिमित्त 'शोले' पुन्हा एकदा प्रदर्शित होणार आहे. उद्या इटलीतील वार्षिक चित्रपट महोत्सवात या अनकट व्हर्जनचा जागतिक प्रीमियर होणार आहे.

चित्रपटाच्या मूळ कथेतील शेवट सेन्सॉर बोर्डाच्या निर्देशांमुळे पूर्वी बदलण्यात आला होता. मात्र आता मूळ आणि पूर्णत: अनकट व्हर्जनध्ये गब्बरचे निधन दाखवण्यात आलं असून, ठाकूर गब्बरचा सूड घेतो,आणि त्याचा शेवट करतो असा थरारक शेवट प्रेक्षकांना अनुभवायला मिळणार आहे. ‘शोले’चं हे ऐतिहासिक पुनरागमन सिनेरसिकांसाठी एक खास पर्वणी ठरणार आहे. भारतीय सिनेमा इतिहासातील हा टप्पा नव्याने उजळणार असून, जुन्या आठवणींना नवा उजाळा मिळणार आहे.