नागपूरमधून एक धक्कादायक बातमी समोर आली आहे. एसी स्लीपर बसमध्ये नागपुरात येणाऱ्या प्रवाशांचा जीव धोक्यात टाकल्याची ही घटना आहे. धावत्या बसमध्ये आग पेटवून अमली पदार्थांचे सेवन केल्याचा धक्कादायक व्हिडिओ समोर आला असून हा व्हिडीओ व्हायरल होत आहे. कोटावरून नागपूरला येणाऱ्या एमआर ट्रॅवेल्समध्ये हा धक्कादायक प्रकार घडला. परिवहन विभागाचे नियम धाब्यावर ठेऊन अमली पदार्थचे सेवन एक व्यक्ती करत असल्याचे व्हायरल व्हिडीओमध्ये दिसत आहे. आग पेटवली तेव्हा अनेक प्रवासी एसी स्लीपर बसमध्ये झोपलेले होते. सुदैवाने कोणतिही अनुचित घटना नाही. ट्रॅव्हल्स एजन्सीकडे याबाबत तक्रार करणाऱ्या प्रवाशाला उडवा उडवीची उत्तर मिळाल्याची माहिती समोर आली आहे.