अभिजीत सोनवणे, नाशिक

nashik policeman assaults lawyer at hospital :
नाशिक जिल्हा रुग्णालयाच्या आवारात पोलिसाने वकिलाला मारहाण केल्याचा आरोप करण्यात आलाय. त्यानंतर जिल्हा न्यायालयाबाहेर वकील संघटनेने निदर्शने केली. पोलिसाला निलंबित करून तात्काळ अटक करण्याची मागणी यावेळी वकील संघटनेकडून करण्यात आली. वकील तुषार दोंदे यांना जिल्हा रुग्णालयाच्या परिसरात मारहाण करण्यात आली. आत्महत्या झालेल्या पीडिताच्या पक्षकारांची बाजू ऐकून घेण्यासाठी दोंदे हे जिल्हा रुग्णालयात गेले होते. त्यावेळी त्यांना मारहाण झाली.

मी वकील आहे. मला धक्काबुक्की केली. दोन ते तीन कानाखाली मारल्या. त्याच्यानंतर मी मोबाइल काढून व्हिडिओ काढायला सुरुवात केली. त्यावेळी त्यांनी माझा मोबाइल हिसकावून घेण्याचा प्रयत्न केला. मला शिवीगाळ केली. तुझ्यावर खोटा गुन्हा दाखल करेल, अशी धमकी दिली, असं मारहाण झालेले वकील दोंदे यांनी सांगितलं.