खोक्या प्रकरणाच्या आडून माझ्या खुनाचा प्लॅन होता, अशी धक्कादायक माहिती आमदार सुरेश धस यांनी साम टिव्हीशी बोलताना दिली आहे. विशेष म्हणजे धनंजय मुंडे यांचे नाव न घेता हे कोणी केलं हे माहीत आहे, असंही सुरेश म्हणालेत.

बिष्णोई समजाच्या दहा ते बारा लोकांना मुंबईत येऊन उपोषणाला बसवले. ते विमानाने आणले गेले आणि ते ही सुरेश धस ला हरणाचं मांस खोक्याने पुरवले असं दाखवण्याचा प्रयत्न केला. त्यांनी जीवनातून उठवण्याचा प्रयत्न केला. ह्यात कोण कोण लोकं आहेत हे मला माहिती आहे. ते मी सांगेन. आता ते कुठल्या टोकाला जात आहेत, त्यामुळे ती मैत्री कशी राहणार आहे, ही बाब मी मुख्यमंत्र्यांना सांगणार आहे, असे सुरेश धस म्हणाले.

परळीचे मुंडे माझ्या मतदारसंघात आले आणि म्हणाले सुरेश धसला हरणाचं मास त्या खोक्याने पुरवलं आहे. मुळात 16 वर्ष मी माळकरी राहिलेला माणूस आहे, डॉक्टरांच्या सल्ल्याने मी थोडाफार मास खात असेल मात्र हरणापर्यंत मी गेलेलो नाही, असे धस म्हणाले.