पुणे: सातारा गॅझेट संदर्भात पुण्यात आज एका माहितीपूर्ण चर्चेसाठी बैठक पार पडली. पुणे विभागीय आयुक्त कार्यालयात आयोजित या बैठकीत बांधकाम मंत्री शिवेंद्रराजे भोसले, मदत पुनर्वसन मंत्री मकरंद पाटील आणि विभागीय आयुक्त चंद्रकांत पुलकुंडवार उपस्थित होते. यावेळी पुरातत्व शास्त्रज्ञही उपस्थित राहून गॅझेटसंबंधित तांत्रिक माहिती दिली.

बैठकीनंतर शिवेंद्रराजे भोसले यांनी माध्यमांशी संवाद साधला आज या विषयावर कोणतीही अधिकृत निर्णय घेणारी बैठक झालेली नाही. उप समितीचे अध्यक्ष विखे पाटील यांनी आयुक्तांकडून काही माहिती घेण्याचे निर्देश दिले होते, इतर बैठका पुनर्वसन संदर्भात होत्या, मराठा उपसमितीचे अध्यक्ष विखे पाटील यांना अधिकार आहेत, मात्र सदस्यांना स्वतंत्र माहिती घेण्याचा अधिकार नाही, असे ते म्हणाले. मंत्री शिवेंद्रराजे यांनीही गॅझेटवर इतर प्रश्नांसंदर्भात काढता पाय घेतल्याचे दिसून आले.