शिवसेना ठाकरे गट आणि कॉँग्रेस पक्षात चांगलीच जुंपल्याचे पाहायला मिळत आहे. आज स्वातंत्र्यवीर सावरकर यांची जयंती आहे, याच पार्श्वभूमीवर ठाकरे गटाचे नाशिकचे उपमहानगरप्रमुख बाळा दराडे यांनी एक पोस्ट शेअर केली आणि या पोस्टमुळे कॉँग्रेस आणि ठाकरे गटात मोठा वाद होण्याची शक्यता आहे. कॉँग्रेसचे जेष्ठ नेते राहुल गांधी अनेकवेळा सावरकर यांच्याबद्दल वादग्रस्त विधान करत आले आहे.

यामुळे अनेकवेळा ठाकरे गट आणि कॉँग्रेसमध्ये वाद पाहायला मिळाला. ठाकरे गटाचे नाशिकमधील नेते बाळा दराडे यांनी राहुल गांधी यांना आक्रमक इशारा दिला आहे. राहुल गांधी यांनी सावरकरांबद्दल अपशब्द वापरले तर ते नाशिकला आल्यावर त्यांच्या तोंडाला काळं फासू, काळं फासता आले नाही तर त्यांच्यावर दगडफेक करू, असा गंभीर इशारा बाळा दराडे यांनी दिला आहे.