दक्षिण मुंबईतून शिंदे गटाने यामिनी जाधव यांना उमेदवारी जाहीर केली आहे. यामिनी जाधव यांनी नुकतंच राज ठाकरे यांची भेट घेतली. सभेसाठी ही भेट घेतल्याचे यामिनी जाधव यांनी सांगितले. काही दिवसांपूर्वी ठाणे लोकसभेचे उमेदवार नरेश म्हस्के आणि कल्याण लोकसभेचे उमेदवार श्रीकांत शिंदे यांनी राज ठाकरे यांची भेट घेतली होती. कल्याण लोकसभेसाठी राज ठाकरे सभा घेणार असे मनसे नेते बाळा नांदगावकर यांनी जाहीर केले होते. आता राज ठाकरेंसोबत सकारात्मक चर्चा झाल्याचे जाधव यांनी म्हटले आहे.