मुंबई महापालिकेच्या निवडणुकीची रणधुमाळी सुरू असताना गुरुवारी एकनाथ शिंदे यांच्या शिवसेनेचे उमेदवार सुमित वांजळे यांनी थेट उद्धव ठाकरे यांचे निवासस्थान असलेल्या मातोश्रीबाहेर प्रचारासाठी पोहोचले. ठाकरे कुटुंब हे आमचे मतदार आहेत. आम्हाला त्यांना भेटायचे असून आमचे मुद्दे त्यांच्यासमोर मांडायचे आहेत, असे वांजळे मातोश्रीच्या सुरक्षारक्षकांना म्हणाले. वांजळे मातोश्री बाहेर असलेल्या सुरक्षारक्षकांना म्हणाले, आम्ही प्रचारासाठी आलो आहोत. याच प्रभागातून आम्ही निवडणूक लढवतो आहे. मतदारांना भेटण्यासाठी आम्ही आलेलो आहोत. ठाकरे कुटुंबातील कुणीही भेटले तरी चालेल अशी विनंती सचिन वजाळे यांनी केल्याचे पाहायला मिळाले.