राज्यात मराठी-अमराठी वाद सुरू असतानाच आता शिवसेना शिंदे गटाचे आमदार प्रकाश सुर्वे यांनी एक भयानक विधान करून वाद ओढून घेतला आहे. प्रकाश सुर्वे यांनी एका कार्यक्रमामध्ये बोलताना मराठी माझी आई आहे तर उत्तर भारतीय माझी मावशी आहे. आई मेली तरी चालेल, मात्र मावशी मारायला नाही पाहिजे, कारण मावशी जास्त प्रेम करते. असे वादग्रस्त विधान केले आहेत. त्यामुळे एक प्रकारे मराठी विरुद्ध अमराठी वादामध्ये प्रकाश सुर्वे यांनी केलेल्या वक्तव्यावरून मोठे वादंग निर्माण झाले आहे.

प्रकाश सुर्वे यांचा व्हिडिओ मनसे नेते नयन कदम यांच्याकडून ट्विट करण्यात आला आहे. त्यांनी ट्विट करत म्हटले की, मागाठाणेच्या मराठी माणसाने हा आमदार निवडून दिला आहे का? मराठी मेली तरी चालेल स्वतःच्या आईला मारून युपीची मावशी जगवतो हा, याचा जाहीर निषेध