कल्याण : पंतप्रधान नरेंद्र मोदी (PM Narendra Modi) यांची कल्याण लोकसभेमध्ये सभा होणार आहे. या सभेत मानाचे स्थान नाही म्हणून शिंदे गटाचे नेते अरविंद मोरे यांनी पदाचा राजीनामा दिला आहे. मोदींच्या सभेपूर्वी महायुतीत हे मानापमान आणि नाराजी नाट्य पहायला मिळत आहे. अरविंद मोरे हे शिंदे गटात जिल्हा अध्यक्ष आहेत. एकनाथ शिंदेही कधीतरी जिल्हा अध्यक्ष होते असे विधान मोरे यांनी केले आहे. त्यामुळे आपण पदाचा राजीनामा देत आहोत असे मोरे यांनी जाहीर केले.