ठाणे: पत्रा कोसळल्यामुळे मोठी दुर्घटना घडली आहे. पत्रा कोसळून सात जण जखमी झाल्याचा धक्कदायक प्रकार ठाण्यामध्ये घडला आहे. ठाण्यातील गावंड बाग या परिसरात ही दुर्घटना घडली. सुसाट्याच्या वाऱ्यामुळे फुटबॉल टर्फच्या बाजूला असलेल्या इमारतीच्या पत्र्याची शेड कोसळली. या दुर्घटनेत 3 जण गंभीर जखमी झाले असून 4 जण किरकोळ जखमी आहेत. जखमी झालेल्यांनी रुग्णालयात नेण्यात आले असून त्यांच्यावर उपचार सुरु आहेत. दुर्घटनेत जखमी झालेल्यांची शिंदे गटाचे आमदार प्रताप सरनाईक यांच्याकडून विचारपुस करण्यात आली आहे.