विधानसभा निवडणुकीच्या पार्श्र्वभूमीवर राष्ट्रवादी शरद पवार गटाची तयारी सुरु झाली आहे. संसदेच्या अधिवेशनानंतर शरद पवार राज्यदौरा करणार असल्याची माहिती समोर येत आहे. महाराष्ट्र दौऱ्याच्या निमित्ताने प्रत्येक विधानसभा मतदारसंघात पोहोचण्याचा शरद पवार यांचा प्रयत्न असणार आहे. राष्ट्रवादी काँग्रेस पक्षाकडून विधानसभेत 100 जागा लढवण्याचा मानस आहे त्यामुळे शरद पवार गटाकडून हालचाली सुरु आहेत. या आठवड्यात महाविकास आघाडीची बैठक होणार असून बैठकीत जागांची निश्चिती होण्याची शक्यता आहे. विधान सभेच्या प्रत्येक पक्षाच्या जागा निश्चित झाल्या की शरद पवार महाराष्ट्र दौरा करणार असल्याची माहिती समोर येत आहे.