राज्यात राजकीय घडामोडींना वेग आला आहे. शरद पवार पुन्हा राजकारणात सक्रिय झाले आहेत. आजारपणातून बरे झाल्यानंतर राजकीय नेत्यांनी त्यांच्या भेटी घेण्यास सुरुवात केली आहे. शरद पवारांनंतर पक्षातील नेते अॅक्टिव्ह झाले आहेत. शरद पवारांच्या राष्ट्रवादीच्या प्रमुख नेत्यांची गुप्त बैठक झाल्याची माहिती समोर आली आहे. एका नामांकित हॉटेलमध्ये बैठक पार पडल्याचे सांगण्यात येत आहे. या बैठकीला प्रदेशाध्यक्ष शशिकांत शिंदे, जयंत पाटील, माजी गृहमंत्री अनिल देशमुख, खासदार अमोल कोल्हे, हर्षवर्धन पाटील उपस्थित होते अशी माहिती मिळत आहे. त्यामुळे राज्यात पुन्हा मोठ्या राजकीय घडामोडीचे संकेत मिळत आहेत. शरद पवार गटाच्या नेत्यांच्या बैठकीमुळे राजकीय वर्तुळात चर्चांना उधाण आलं आहे. या बैठकीत नेमकी काय चर्चा झाली, याविषयी अधिकृत माहिती समोर आलेली नाही.