Sangola, Pandharpur : निवडणुकीच्या प्रचारसभेत कणखरपणे भूमिका मांडणारे, विरोधकांना ठणकावणारे, आव्हानाला प्रतिआव्हान देणारे शिवसेना शिंदे गटाचे आमदार शहाजीबापू पाटील हे आज भावुक झाले. माझी इज्जत घालवू नका, असं भावनिक आवाहन त्यांनी मतदारांना केलं.

माझी इज्जत तुमच्या हातात आहे. महाराष्ट्रभर डोंगर-झाडीने झालेले नाव घालवू नका, अशी साद शहाजीबापूंनी मतदारांना घातली आहे. सांगोला विधानसभा मतदारसंघात शिंदे शिवसेना उमेदवार शहाजी पाटील यांच्यासमोर ठाकरे गटाचे दीपक साळुंखे आणि शेकापचे डॉ. बाबासाहेब देशमुख यांनी मोठे आव्हान निर्माण केले आहे. त्यामुळे शहाजी बापू पाटील यांनी मतदारांनाच भावनिक साद घातली आहे. सांगोलामध्ये आज मुख्यमंत्री एकनाथ शिंदे यांची सभा झाली.