रविवारी रात्री पासूनच मुसळधार पावसाला सुरुवात झाली होती. मुसळधार पावसाचा फटका लोकल सेवा आणि रस्ते वाहतुकीवर पाहायला मिळाला होता. आता मुंबई आणि कोकणातील शाळांनी सुट्टी जाहीर करण्यात आली आहे. मुंबई, ठाणे, रायगड, रत्नागिरी आणि सिंधुदुर्ग या भागातील सर्व शाळांना सुट्टी जाहीर करण्यात आली आहे. मुसळधार पावसाच्या पार्श्वभुमीवर हा मोठा निर्णय घेण्यात आला आहे. याबाबतची माहिती शालेय शिक्षण मंत्री दिपक केसरकर यांनी दिली आहे. सकाळच्या सत्रातील सर्व शाळांना सुट्टी जाहीर करण्यात आली आहे. तसेच मुंबईत साचलेल्या पाण्याचा निचरा करण्याची सुरुवात झाली असल्याचंही दिपक केसरकर म्हणाले.