साताऱ्यातील तालीम संघ मैदानावर छत्रपती दहीहंडी सोहळा पार पडला. छत्रपती उदयनराजे भोसले मित्र समूहाच्या वतीने शिवानीताई कळसकर यांनी आयोजित केलेल्या या दहीहंडी सोहळ्यात जिल्ह्यासह इतर जिल्ह्यातील गोविंदा पथके सहभागी झाली होती. यामध्ये सांगलीतल्या तासगाव येथील शिवनेरी गोविंदा पथकाने 7 थर रचत यावर्षीची 4 लाख 44 हजार 444 रुपयांची दहीहंडी फोडून हे बक्षीस जिंकले. यावेळी मोठ्या संख्येने साताऱ्यातील छत्रपती उदयनराजे भोसले यांचे चाहते या कार्यक्रमास उपस्थित होते. या कार्यक्रमात उदयनराजे बाहेरगावी असताना देखील अचानक त्यांची एन्ट्री झाल्यामुळे कार्यकर्त्यांमध्ये जल्लोष पाहायला मिळाला. यावेळी खासदार उदयनराजे भोसले यांनी छत्रपती शिवाजी महाराजांनी कधीही जातपात मानली नाही, आणि मी देखील जातपत मानत नाही. तुमचे आणि माझे एकच रक्त असल्याचे म्हटले.

तू मोठा, मी लहान असा म्हणायचा अधिकार कोणालाही दिलेला नाही. अपघात झाल्यावर ब्लड देताना कोणी जात-पात बघत नाही.ज्यांनी जातपात मांडली ती स्वतःच्या स्वार्थासाठी असे म्हणत त्यांनी हटके स्टाईलने कॉलर उडवत कार्यकर्त्यांची मने जिंकली.