माधव सावरगावे, साम टीव्ही

छत्रपती संभाजीनगर शहरातील उद्योजक संतोष लड्डा यांच्या घरावरील दरोडा प्रकरणी एन्काऊंटर केलेल्या अमोल खोतकरच्या बहिणीला अटक केल्यानंतर तिचेही अनेक कारणाने पुढे येऊ लागले आहेत. तिने लपवलेले चांदी त्यानंतर तुळशी वृंदावनामध्ये ठेवलेले सोने पोलिसांना मिळाले. त्यानंतर दरोड्यातून लुटलेल्या सोन्याची विक्री करून प्लॉटही खरेदी केल्याच्या समोर आले आहे.

ज्यांचा प्लॉट खरेदी केला होता त्यांच्याकडून पोलिसांनी नऊ लाख रुपये हस्तगत केले आहेत. दरोडा टाकल्यानंतर मिळालेले सोने विकून नऊ लाख रुपये रोख रक्कम प्लॉट घेण्यासाठी रोहिणी खोतकरने जमीन मालकाला पैसे दिले होते. अमोल खोतकरचा एन्काऊंटर केल्यानंतर तिला जणू काहीच माहित नाही असं रोहिणी बोलत होती. मात्र, पोलिसांनी आपला खाक्या दाखवल्यानंतर रोहिणी खोतकरणे चांदी सोने आणि रकमेची एकेक माहिती द्यायला सुरू केली आहे. त्यामुळे साडेपाच किलो सोन्याचा हिशोब लागेल अशी पोलिसांना शक्यता वाटते आहे. सध्या तिची न्यायालयीन कोठडीमध्ये रवानगी झाली आहे.