जेजुरी - शैव आणि वैष्णव परंपरेचा अद्वितीय संगम खंडेरायाच्या जेजुरी नगरीत पाहायला मिळाला आहे. संत तुकाराम महाराजांच्या पालखीचे जेजुरीत आगमन होताच, संपूर्ण वातावरण भंडाऱ्याच्या उधळणीने उजळून निघालं आहे. माऊलींच्या स्वागतासाठी वारकरी, भाविक, आणि स्थानिकांनी जल्लोषात सहभाग घेतला होता.'ज्ञानोबा-तुकोबांच्या नामघोषाने' गगनात भरारी घेतलेली दिसत होती. डोळ्यांचे पारणे फेडणारा हा दिव्य सोहळा होता. माऊलींच्या पालखी आगमनाने जेजुरी नगरीत भक्तिमय वातावरण निर्माण झालं होतं.

आज माऊलींची पालखी जेजुरीतून प्रस्थान ठेवून वाल्हे गावात मुक्कामी असणार आहे. पालखी मार्गावर वारकऱ्यांच्या रांगा, टाळ-मृदंगाच्या गजरात निघालेला सोहळा हा अध्यात्म आणि एकात्मतेचा जिवंत अनुभव देणारा ठरतोय.प्रशासनाकडून योग्य ती व्यवस्था करण्यात आली असून, भाविकांनी सहकार्य करण्याचं आवाहन करण्यात आलं आहे.