राज्याचे सामाजिक न्यायमंत्री संजय शिरसाट यांचा काही दिवसांपूर्वी एक व्हिडिओ व्हायरल झाला होता. या व्हिडिओमध्ये ते त्यांच्या घरातील बेडरूममध्ये बसलेले दिसत असून, त्यांच्या जवळ मोठी पैशाची बॅग देखील दिसून येत होती. या घटनेने राज्याच्या राजकारणात खळबळ उडाली होती. गेल्या काही दिवसांपासून महायुतीचे मंत्री हे वादाच्या भोवऱ्यात सापडत आहे.

सामान्य नागरिकांकडूनही या प्रकरणावर संताप व्यक्त होत असताना, संजय शिरसाट यांनी साम टीव्हीच्या "ब्लॅक अँड व्हाईट" कार्यक्रमात स्पष्टीकरण दिले. ते म्हणाले,बेडरूमची बॅग इतकी फेमस झाली आहे. त्यामुळे आता मी कोणाला बेडरूममध्येच काय, घरामध्येही एंट्री देत नाही. कोण कुठे कॅमेरा लावून येतील सांगता येत नाही. परंतु तो व्हिडिओ मॉर्फ केलेला आहे. असे संजय शिरसाट म्हणाले.