महाराष्ट्रामध्ये 2019 मध्ये शिवसेना आणि भाजप महायुतीचा काडीमोड आणि महाविकास आघाडीचा उदय यावरुन राजकीय आरोप प्रत्यारोपांचा खेळ अजूनही सुरूच आहे. शिवसेना खासदार संजय राऊत यांनी सर्वांत मोठा दावा करताना मुख्यमंत्री करण्यासाठी एकनाथ शिंदे यांना 2019 मध्ये भाजपकडून आणि नंतर महाविकास आघाडी सरकार स्थापन केल्यानंतर राष्ट्रवादीकडून विरोध होता, असं म्हटलं आहे.संजय राऊतांच्या या दाव्यावरून राजकीय वर्तुळात जोरदार चर्चा रंगली आहे. त्याचबरोबर संजय राऊतांचा हा दावा सत्ताधाऱ्यांकडून खोडून टाकण्याचा प्रयत्न केला जातोय.