शिवसेना ठाकरे गटाचे खासदार संजय राऊत कोणत्या न कोणत्या वक्तव्यामुळं नेहमी चर्चेत येतात. यावेळी त्यांनी राज ठाकरे आणि उदय सामंत यांच्या भेटीवर केलेल्या वक्तव्याची राजकीय वर्तुळात कमालीची चर्चा आहे. राज ठाकरे हे मुक्त विद्यापीठ आहेत. तिथे कुणीही जाऊन पदवी घेऊ शकतं. पण त्यांनी अनैतिक संबंध ठेवू नयेत, असं संजय राऊत म्हणाले.

संजय राऊत नेमके काय म्हणाले?

मुक्त विद्यापीठात जाऊन कुणीही पदवी घेऊ शकतो. मुक्त विद्यापीठाचे ते कुलगुरू असतील. पण ज्यांनी महाराष्ट्राच्या संदर्भात टोकाच्या भूमिका घेतल्या. ज्यांनी महाराष्ट्रद्रोहाच्या भूमिका घेतल्या, मग ते कुणीही असतील. आपण एकत्र आल्यानंतर त्यांनी कुणाशीही संबंध ठेवता कामा नयेत. अनैतिक संबंध ठेवू नयेत, असं राऊत म्हणाले.