अमित शाहा यांच्याकडून शिवाजी महाराज यांचा वारंवार अपमान झाला आहे. त्यांचा देखील कडेलोट करा. अमित शाहांनी रायगडावर वारंवार शिवाजी महाराजांचा एकेरी उल्लेख केला. यावरून संजय राऊत यांनी संतापजनक प्रतिक्रिया दिली आहे. संजय राऊत म्हणाले, मुख्यमंत्र्यांनी अमित शाहा यांच्यावर गुन्हा दाखल करावा.

औरंगजेबाच्या थडग्याला शाहांनी समाधीचा दर्जा दिला, छत्रपतींचा उल्लेख 'शिवाजी शिवाजी' असा करण्यात आला. जो आम्ही कधीच करत नाही. औरंगजेबाच्या थडग्याला सुद्धा समाधी म्हणून मान्य देण्यात आली. देशाचे गृहमंत्री बोलतात म्हणजे ती समाधीच मानली पाहिजे. हा छत्रपती शिवाजी महाराजांचा अपमान नाही का? मग आता मुख्यमंत्री अमित शाहा यांचा कडेलोट करणार आहे का?असा खोचक प्रश्न संजय राऊत यांनी केला.