महाराष्ट्र राज्य विधिमंडळ अंदाज समितीच्या तीन दिवसीय धुळे, नंदुरबार दौऱ्यात सापडलेल्या रकमेने राज्याच्या राजकीय वर्तुळात मोठी खळबळ उडाली होती. अंदाज समितीचे अध्यक्ष असलेले अर्जुन खोतकर यांचे शासकीय स्वीय्य सहाय्यक किशोर पाटील यांच्या धुळे शहरातील विश्रामगृह रूम नंबर 102 मध्ये 1 कोटी 84 लाख 84 हजार रुपये सापडले आणि यानंतर ही अंदाज समिती राज्यभर चर्चेचा विषय बनली.

आज ठाकरे गटाचे खासदार संजय राऊत यांनी याच खोलीची पाहणी केली. दोन कोटींची खोली पाहण्याचा दुर्मिळ योग मला आला असा टोला संजय राऊत यांनी लगावला. तसेच राज्यात कोणत्या पातळीचा भ्रष्टाचार चालतो हे मी राज्यसभेत देखील मांडणार आहे असे ही ते म्हणाले.