लाडक्या बहिणींच्या घोषणा करण्याआधी मध्य प्रदेश मध्ये या योजनेचे हाल पहा. मध्य प्रदेश मधील सरकारने जाहीर केलेली लाडकी बहिणी योजना बंद पडली असल्याचा दावा उद्धव ठाकरे गटाचे खासदार संजय राऊत यांनी केला आहे. सोमवारी आयोजित पत्रकार परिषदे ते बोलत होते.

महाराष्ट्रात देखील लाडकी बहीण योजनेसाठी सरकारकडे पैसे नाहीत. त्यामुळे लाडक्या बहिणींच्या योजनेचा चौथा हप्ता देखील मिळणार नसल्याचा दावा राऊत यांनी केला आहे. सध्या सरकारचं ओव्हर ड्राफवर पैसे देणं सुरू असल्याचंही त्यांनी म्हटलं आहे. सरकारी कर्मचारी आणि पोलिसांचे पगार द्यायलाही सरकारकडे पैसे नाही असा आरोप त्यांनी केला आहे. त्यामुळे राज्य सरकार आता कर्जावर चालू आहे असा थेट आरोप राऊत यांनी केला. लाडकी बहीण योजनेससाठी पंतप्रधान नरेंद्र मोदी येतात. मात्र, मोदींच्या सभेत बहिणींच्या खुर्चा रिकाम्याच असल्याचा दावा त्यांनी केला. मध्य प्रदेश मधील सरकारने जाहीर केलेली लाडकी बहिणी योजना बंद पडली असल्याचा दावाही त्यांनी केला आहे.