दिग्दर्शक रोहित शेट्टी यांचा चित्रपट म्हटलं की चित्रपटगृहांमध्ये शिट्ट्या आणि टाळ्यांचा कडकडाट पाहायलाच मिळतो. सध्या रोहित यांच्या 'सिंघम आगेन' या आगामी चित्रपटाबद्दल सर्वत्र चर्चा सुरु आहे. रोहित शेट्टींच्या बहुप्रतिक्षित चित्रपट 'सिंघम आगेन' या चित्रपटाचा ट्रेलर नुकताच लॉंच झाला आहे. चित्रपटाचा ट्रेलर लॉंच होताच प्रेक्षकांमध्ये चित्रपटाबद्दलची उत्सुकता पाहायला मिळाली आहे. काही दिवसांपूर्वी चित्रपटाची पहिली झलक निर्मात्यांकडून शेअर करण्यात आली होती.
सोशल मीडियावर 'सिंघम आगेन' या चित्रपटाची सर्वत्र चर्चा सुरु आहे. या चित्रपटामध्ये अजय देवगण, अक्षय कुमार, रणवीर सिंग, दीपिका पदुकोण, करीना कपूर या कलाकारांनी मुख्य भूमिका साकारली आहे. चित्रपटाच्या ट्रेलरला चाहत्यांकडून भरभरुन पसंती मिळताना दिसत आहे. प्रेक्षक अनेक दिवसांपासून या चित्रपटाच्या ट्रेलरची वाट पाहात होते.
'सिंघम आगेन' या चित्रपटाच्या ट्रेलरमध्ये असे दाखवण्यात आले आहे की, बाजीराव सिंघमच्या घरातील मुलगा मोठा झाला आहे. त्यासोबतच या चित्रपटामध्ये करीना कपूरने सिंघमच्या पत्नीची भूमिका साकारली आहे. या चित्रपटामध्ये करीना कपूरचं अपहरण करण्यात आले आहे आणि त्यानंतर सिघम असा दावा करतो की माझ्या मुलाच्या मनामध्ये त्यांच्या आईबद्दल प्रेम आणि राग या दोन्ही भावना आहेत परंतु तो जिच्यावर प्रेम करतो तिच्यासाठी तो काहीही करु शकतो. चित्रपटाचा ट्रेलर पाहुन असे वाटत आहे की रोहित शेट्टीची पोलिस फोर्स हा मिशन पूर्ण करण्यासाठी श्रीलंकेला जाणार आहे.
'सिंघम आगेन' या चित्रपटामध्ये अजय देवगण, अक्षय कुमार, रणवीर सिंग, दीपिका पदुकोण, करीना कपूर, टायगर श्रॉफ, अर्जुन कपूर आणि जॅकी श्रॉफ हे सगे कलाकतार प्रेक्षकांचे मनोरंजन करण्यास सज्ज झाले आहेत. आतापर्यंत चित्रपटाच्या निर्मात्यांनी 'सिंघम अगेन' दिवाळीला प्रदर्शित होणार असल्याचे माहिती दिली आहे. आजय देवगणचा हा चित्रपट १ नव्हेंबरला चित्रपटगृहांमध्ये प्रदर्शित होणार आहे.
Edited By: Nirmiti Rasal
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.