मराठा आरक्षणाचा जीआर निघाल्यानंतर आता यावरून राजकीय आरोप प्रत्यारोप होताय. देवेंद्र फडणवीस यांनी मराठा समाजाला आरक्षण दिले याचा जोरदार प्रचार आता भाजपचे नेते करत आहेत. तर दुसरीकडे शनिवारपासून राज्यभरातील सर्वच माध्यमांवर, फ्लेक्स आणि इतर माध्यमांतून देवेंद्र फडणवीस यांच्या जाहिराती प्रसिद्ध झाल्या. त्यात छत्रपती शिवाजी महाराजांच्या पायावर फुले वाहताना मुख्यमंत्र्यांचा फोटो आहे. त्यावर फक्त 'देवाभाऊ' असा उल्लेख असल्याने आता नवा राजकीय वाद निर्माण झाला आहे.

या संदर्भात ठाकरे गटाचे खासदार संजय राऊत यांनी देवेंद्र फडणवीस यांना काही सवाल केले. या जाहिरातींवर 40 ते 50 कोटींचा खर्च झाला आहे. त्या जाहिरातीत प्रकाशकाचे नाव नाही. ज्या व्यक्तीने जाहिराती दिल्या त्याने आपले नाव का लपवले, हे जनतेला कळायाला पाहिजे.

जाहिरातदाराचे नाव जाणीवपूर्वक लपवेल आहे. त्यामुळे हा सर्व काळा पैसा खर्च झाला आहे. यासंदर्भात मुख्यमंत्री कार्यालयातून कोणाला काही सूचना दिल्या होत्या का? याचा शोध घेतला पाहिजे असा जोरदार हल्लाबोल संजय राऊत यांनी सरकारवर केला.