सांगली जिल्ह्यामध्ये गेल्या चार दिवसांपासून पडणाऱ्या पावसामुळे तासगाव तालुक्यातील अग्रणी नदी आता तुडुंब भरून वाहू लागली आहे. गेल्या काही दिवसांपर्यंत कोरडी ठणठणीत पडलेली आग्रणी नदी तीन दिवसांच्या पडलेल्या पावसाने भरून वाहत आहे. त्यामुळे तासगाव तालुक्यातील अग्रणी नदी वरील अनेक बंधारे ओव्हर फ्लो झाले. तसेच ओढे-नाले देखील भरून वाहत आहे.जून महिन्याच्या सुरुवातीलाच दमदार झालेल्या या पावसामुळे शेतकरी राजा मात्र चांगलाच सुखावला आहे.