सांगलीच्या पलूसमध्ये माता बाल पोषण आहारामध्ये मृत सापाचे पिल्लू आढळले आहे. साम टीव्हीने ही बातमी दाखवल्यानंतर हा मुद्दा स्थानिक आमदार विश्वजीत कदम (MLA Vishwajeet Kadam) यांनी विधानसभेत उपस्थित केला. दोषींवर कडक कारवाई करण्याची मागणी विश्वजीत कदम यांनी केली. गर्भवती महिला आणि लहान मुलांच्या आयुष्याशी आपण खेळतोय, असे मत विश्वजीत कदम यांनी व्यक्त केले. विश्वजीत कदम यांनी हा मुद्दा उपस्थित केल्यानंतर शासनाने याची अत्यंत गंभीर दखल घ्यावी. ही बाब गंभीर असून शासनाने याची नोंद घेऊन कडक कारवाई करावी, असे आदेश विधानसभा अध्यक्ष राहुल नार्वेकर यांनी दिले आहे. सांगलीच्या पलूसमधील कृषीनगरच्या ११६ नंबरच्या शाळेमध्ये पोषण आहाराचे वाटप करण्यात आले होते. या पोषण आहारामध्ये सापाचे मृत पिल्लू आढळल्यामुळे एकच खळबळ उडाली आहे.