राज्यातील महापालिकांच्या निवडणुकांचे निकाल उद्या म्हणजेच शुक्रावारी लागणार आहेत. त्याआधी महापालिकांच्या निकालांचे एक्झिट पोलसमोर आलेत.या धक्कादायक निकाल लागतील असा अंदाज वर्तवण्यात आलाय. राज्यातील इतर महानगरपालिकांप्रमाणे सांगली महापालिका खूप महत्त्वाची होती. या महापालिकेत कोणाची सत्ता येणार असा प्रश्न अनेकांना पडला होता. आता त्याचे उत्तर एक्झिट पोलमध्ये मिळालंय. महापालिकेच्या ७८ जागांसाठी ३८१ उमेदवार निवडणूक रिंगणात आहेत. महापालिकेची निवडणूक चौरंगी होत आहे. भाजप, राष्ट्रवादी (अजित पवार), जनसुराज्य, शिंदेसेना स्वबळावर लढत आहे. तर काँग्रेस -राष्ट्रवादी (शरद पवार) गटाने आघाडी केली होती. सांगलीची सत्ता मिळवण्यासाठी महायुतीमधील पक्ष स्वबळावर लढल्या. यात भाजपनं सरशी घेतल्याचं दिसत आहे. सर्वाधिक ३८ जागा मिळण्याचा अंदाज साम टीव्हीच्या एक्झिट पोलमध्ये वर्तवण्यात येत आहे. दुसऱ्या नंबरवर अजित पवार गट असून त्यांना १० जागा मिळण्याची शक्यता आहे.