नांदेड जिल्ह्यात मागील चार दिवसांपासून पावसाने हजेरी लावली आहे. नांदेड शहरासह जिल्ह्यात सर्वदूर कमी-अधिक प्रमाणात पाऊस पडत आहे. पावसामुळे नांदेड जिल्ह्यातील सहस्त्रकुंड धबधबा प्रवाहित झालेलं पाहायला मिळालं. धबधबा प्रवाहित झाल्यानंतर पर्यटकांची गर्दी होण्यास सुरुवात झाली आहे. पावसामुळे तयार झालेला हा सुंदर नजारा डोळ्यात साठवण्याची पर्यटकांनी मोठी गर्दी केली आहे. रविवारी सुट्टी असल्या कारणाने सहस्रकुंड धबधबा पाहण्यासाठी पर्यटकांनी मोठी गर्दी केल्याचं पाहायला मिळालं.