नागपुरात गडकरी यांचा विजय होऊ नये यासाठी भाजप प्रयत्नशील होता असा दावा संजय राऊत यांनी आपल्या रोखठोक सदरातून केला आहे. आपल्या लेखात राऊत म्हणाले की गडकरी यांचा पराभव होण्यासाठी मोदी आणि शाह प्रयत्न करत होते. त्यासाठी फडणवीसांना सर्व रसद पुरवली जात होते असे नागपुरात संघाचे लोक म्हणत होते असे लेखात म्हटले आहे. इतकंच नाही तर पुन्हा अमित शाह यांच्या हातात सत्ता आली तर ते योगींना हटवणार असेही लेखात म्हटले आहे. उत्तर प्रदेशमध्ये भाजपला ३० जागांवर फटका बसेल असा दावाही लेखात करण्यात आला आहे.