मंत्रालयामध्ये चोरी झाल्याची धक्कादायक घटना समोर आली आहे. मंत्रालयात महायुतीच्या मंत्र्यांच्या केबिनमध्ये चोरी झाली. तब्बल ८० हजार रुपये चोरीला गेल्याची माहिती समोर आली आहे. मंत्रालयामध्ये १० हजारांपेक्षा जास्त रक्कम घेऊन जाण्याची परवानगी नसल्याने मंत्र्यांच्या कार्यालयात ८० हजार रुपये आले कसे? याबाबत चर्चांना उधाण आले आहे. ८० हजार रुपयासाठी कार्यालयातील कर्मचारी आणि कार्यालयात ये-जा करणारे इतर विभागातील कंत्राटी कर्मचाऱ्यांची रात्री उशिरापर्यंत झाडाझडती सुरू होती. याबाबत अद्याप पोलिस तक्रार दाखल करण्यात आली नसल्याची माहिती सुत्रांनी दिली आहे.