केंद्रीय मंत्रिपदात अजित पवार गटाला डच्चू देण्यात आला आहे असे वृत्त आहे. ईडी आणि सीबीआयची चौकशी थांबवण्याच्या बदल्यात मंत्रिपद नाकारले असेल असा टोला शरद पवार गटाचे आमदार रोहित पवार यांनी लगावला आहे. प्रफुल पटेल यांची संपत्ती आधी ईडीने जप्त केली होती, आता ईडीने ही कारवाई मागे घेतली आहे हे पटेल यांना गिफ्ट आहे असेही रोहित पवार म्हणाले. आगामी विधानसभा निवडणुकीत अजित पवार गटाच्या नेत्यांना कमळ चिन्हावर निवडणूक लढवावी लागेल असेही रोहित पवार म्हणाले.