शेवटी वस्ताद डाव टाकतो आणि जिंकतो असे म्हणत रोहित पवारांनी अजित पवारांना टोला लगावला आहे. ज्यांनी ज्यांनी गद्दारी केली त्यांना दिल्लीपुढे झुकावं लागलं. अमोल कोल्हे अडीच लाखांनी तर सुप्रिया सुळे चार लाख मताधिक्क्यांनी निवडून येणार असा विश्वास रोहित पवार यांनी व्यक्त केला. तसेच भक्त पण आता भाजप नको असं म्हणतात, चार जूनला आपल्या मनातलं सरकार येणार असेही रोहित पवार म्हणाले. तसेच भाजपला महाराष्ट्राचा नव्हे तर गुजरातचा विकास करायचा आहे, गुजराती नेत्यांना खुश करायचे आहे असा घणाघातही रोहित पवारांनी केला.